Agenda
2014ako uda da. Irakeko Kurdistanera bidaia egin du egileak, kazetari gisa, Saddam Hussein kanporatu ostean lurralde horrek autonomia zabal bat bereganatua duenean, kurduak beren buruaren jabe nola moldatzen diren ikusteko eta munduari kontatzeko pasatako oinazeak eta momentuan bizi dituzten itxaropen eta zailtasunak: errefuxiatu- eremuetako istorioak, emakume arkeologo baten ametsak, zahar eta gazteen abenturak, gizon nahiz emazteen pozak eta nekeak berdez pintaturiko basamortuan… Alabaina, bera han dela gertatu da Estatu Islamiarraren ofentsiba, eta hasierako asmoak aldatuta gerrako erreportaje-sorta bat egin behar du orduan kazetariak, frontetik oso hurbil baina borroka horren nondik norakoak ikusi gabe. Munduko minoria nazional handienaren bizi-nahi eta bizi ezinaren kronika fresko eta indartsua, gertakarien lekuko zuzen batek kontatua.
Bere seme elbarria hartuta, garai batean bertan behera utzi zuen Jean-Marcengana joango da Irati, barruko harra isildu nahian. Edurnek bikotea eta lana galdu ditu, eta mareak hondartzan utzitako enborrak erreskatatzen ditu eskultura bihurtzeko, kaosa ordenatzeak bere bizitzari zentzua emango diolakoan. Bertak desesperatutako jendearen telefonodeiak aditzen egiten du lan, baina nori kontatuko dizkio berak bere minak?
Hiru emakume protagonista, hiru ipuinez osaturiko triptikoa, egungo gizartea astintzen duten hainbat gai eta gaitz erdigunean jartzen dituena: bakardadea, menpekotasunak dituztenen zaintza eta horrek ekar dezakeen sakrifizioa, bizitzari zentzurik aurkitu ez eta suizidioaren aukera… Zikinkeriak pilatu ohi diren alfonbra azpia altxatuko bagenu bezala, agerian geratuko dira ate osteko sekretuak, nori kontatu ez dakigun aitortzak, isilpeko erruak.
Jokoak eta apostuek garrantzia handia izan dute, aintzinatik, Euskal Herriaren historian. Hala izanagatik, ezer gutxi ikertu da joko eta apostuez XX. mendetik haratago. José Antonio Azpiazuk, liburu honetan, XVI. eta XIX mendeetan ere Euskal Herrian egin ziren joko eta apostuen berri jasotzen du eta bitxikeria ugari ere biltzen ditu lan honetan. Adibidez, Markinako emakume ‘liberatuen’ aurkako elegite interesatuaren historia bitxia, ala 1708an Donostia eta Ondarroaren artean jokatutako estropada historikoa, besteak beste.
Irakurleari sarri irribarrea piztuko dion liburu hau jendaurrean aurkeztuko digu, José Antonio Azpiazuk Donostiako elkar aretoan.
La periodista Sandra Barneda nos visitará en la librería elkar de Bilbao, donde firmará ejemplares de su novela, Las hijas del agua.
Venecia, 1793. Arabella Massari contempla desde su palacio la llegada de los invitados. Ha organizado una gran fiesta de máscaras. Entre los asistentes se encuentra Lucrezia Viviani, la hija del mercader Giuseppe Viviani, que acude con su prometido Roberto Manin. Lucrezia no está dispuesta a casarse con un hombre al que detesta y hará todo lo posible por impedir la boda.
Arabella descubrirá en el festejo que esa joven tímida es la elegida para mantener el legado de las hijas del agua, una hermandad secreta de mujeres que luchan por ser libres.
Sare sozialen sasoian, ikuskizunaren gizarte post-industrialean, bi artista,. Miren eta Jon, eta artea ulertzeko modu bi, talkan. Artistaren galderak XXI.mendearen aurrean; zenbat da obra eta zenbat artistaren marka? Zer gertatzen da pertsonaia guztiz jabetzen denean perrtsonaz? Adiskidetasuna eta inbidia, itxura eta itxurakeria, konrpomisoa eta kontraesanak, sobreak eta txekeak: horiek guztiak dira Danele Sarriugarteren bigarren nobelaren ardatzak.
Elkarrizketatzailea: Kattalin Miner
Areto Nagusia (sarrera Anoeta estadioko 9. ate ondoan)
elkar Fundazioak Joseba Jaka bekara aurkeztu diren lanen artean irabazlea zein den ezagutzera emango du. Aurtengo deialdia antzerki lanak idatzi eta muntatzeko proiektuei zuzendu zaio. PARTE-HARTZAILEAK: Beka jasoko duen egilea. Agurtzane Intxaurraga, epaimahaiaren izenean. Joanmari Larrarte, elkar Fundazioko komunikazio arduraduna
Tiger Tribe jolas etxe australiarra ezagutuko dugu eskulan tailer honetan. Eskulanak egiteko material ezberdina du jolas etxe zoragarri honek. Tailer honetan, batez ere koloreztatu eta marraztu egingo dugu beraien materiala erabiliz.
3 urtetik gorako haurrentzako tailerra izango da. Beharrezkoa izango da aurretik izena ematea aretoa@elkar.eus helbidera idatzita. Zehaztu, mesedez, ZEIN HIRITAN parte hartu nahi duzuen, haurraren izen-abizenak eta adina.
Tiger Tribe jolas etxe australiarra ezagutuko dugu eskulan tailer honetan. Eskulanak egiteko material ezberdina du jolas etxe zoragarri honek. Tailer honetan, batez ere koloreztatu eta marraztu egingo dugu beraien materiala erabiliz.
3 urtetik gorako haurrentzako tailerra izango da. Beharrezkoa izango da aurretik izena ematea aretoa@elkar.eus helbidera idatzita. Zehaztu, mesedez, ZEIN HIRITAN parte hartu nahi duzuen, haurraren izen-abizenak eta adina.
Tiger Tribe jolas etxe australiarra ezagutuko dugu eskulan tailer honetan. Eskulanak egiteko material ezberdina du jolas etxe zoragarri honek. Tailer honetan, batez ere koloreztatu eta marraztu egingo dugu beraien materiala erabiliz.
3 urtetik gorako haurrentzako tailerra izango da. Beharrezkoa izango da aurretik izena ematea aretoa@elkar.eus helbidera idatzita. Zehaztu, mesedez, ZEIN HIRITAN parte hartu nahi duzuen, haurraren izen-abizenak eta adina.