Elkar diskoetxeko udazkeneko nobedadeak

Elkar diskoetxea buru-belarri ari da udazkeneko produkzioa lantzen. Gustu guztietako musikazaleentzako zerrenda luzea osatu du euskal diskoetxeak. Datozen lau hilabeetan ikusiko dute argia ondorengo lanek.

KORTATU
Kolpez kolpe
(LP)
Azken guda dantza (2 LP)
Kaleratze data: irailak 4

Kortatu - Azken guda dantza Kortatu kolpez_kolpeTalde mitiko honen 30 urte bete dituen honetan, haren album guztiak binilozko formatuan kaleratu ditugu. Aurrez argitaratutako Kortatu: Kortatu eta Kortatu: El estado de las cosas lanei azkeneko bi lanak gehitu dizkiegu ilusio handiz: Kortatu: Kolpez  kolpe, euskara hutsean dagoen lehenengo albuma, eta Kortatu: Azken guda dantza, taldearen agur gisa grabaturiko zuzeneko diskoa. Bi klasiko.

 

 LA POLLA
No somos nada
(LP)
Kaleratze data: irailak 4

La polla records - No somos nadaHaien lehenengo bi lanak, Salve eta Revolución, berrargitaratzeaz gain, La Polla taldeak estudioan grabatutako hirugarren albuma, No somos nada, kaleratu dugu aurten, 1980ko hamarkadako punk musikaren lan esanguratsua.

 

 

(Irakurri +)

EH Sukarra eta Izaki Gardenak kontzertuan Antzoki Zaharrean – ZOZKETA

eh_izaki_abenduaAbenduaren 15ean, igandean, Donostiako Antzoki Zaharrean EH Sukarra eta Izaki Gardenak taldeen kontzertua izango da.

EH Sukarra taldeak 20 urte daramatza taulagainean. Aurten, Uhinak izeneko diskoa kaleratu du, bere ibilbideko 8.a. Punk-rock melodikoa, hardcore zertzelada batzuk eta balada zoragarriak dira talde iraunkor honen errepetorioaren muina. Esperientziaren galbaheak aukeratutako kanta indartsu eta hunkigarriak.

Izaki Gardenak, berriz, talde gaztea da, gure unibertsora jaio berria da. Udazkenean, Amaieratik hasi diskoa kaleratu zuen.  Amerikar kutsuko musika, pop eta rock doinuak lantzen dituzte, ahotsari garrantzi handia emanez. Kantuen nortasunari dagokionean, talentu handiko konposaketak nabarmentzen ditugu, hala nola, interpretatzeko unean, gustu handia ere. Etorkizun oparoaren usaia dario.

Hasiera batean, kontzertu hau udaberrian egitekoa zen, baina azkenean atzeratu eta igandean egingo da. Udaberrian, bi sarrera bikoitzen zozketan parte hartzeko zozketa bat jarri genuen abian. Bertan, hainbatek izena eman zenuten. Berriro ere, izena emateko aukera jarriko dugu, eta lehendik izena emana zutenak ere zozketaren barruan sartuko ditugu.

Erantzun ondorengo galderari eta parte-hartu! Zorte-on!

 

Bietako zein talde gustatzen zaizu eta zergatik?

 

(Irakurri +)

Musikako 2013ko udaberriko nobedadeak

1. Igelaren banda: “Preguntatxo bat”

Igelaren banda taldeaIgelaren Banda orain dela dozena bat urte sortu zen eta 2000. urtean atera zuen lehen diskoa. 2008. urtera arte ibili zen hainbat kontzertu ematen Euskal Herri osoan, eta orain, etenaldi baten ostean, itxura berri batekin dator, indarberrituta.

Oraingo eraketan, Hasier Oleaga (bateria), Amaiur Cajaraville (kontrabaxua) eta Bixente Martinez (gitarra) daude. Talde gaztea eta beteranoa da, era berean, esperientzia eta sen handiko musikariak musikaz gozatzen, musikaz gozarazteko.

Igelaren Banda berritu hau aurrekoaren ildo beretik doa, hau da, euskal kantu edo dantza zaharrak, euskal musika tradizionala oinarri hartuta, bertsio berriak sortzea du xede; betiere, modu instrumentalean, konponketa eta harmonizazio berriak eginez eta inprobisatzeari leku berezia emanez.

Igelaren Bandaren emanaldiak ez dira, dena dela, musika hutsa. Doinu bakoitzak du bere historia, bere jatorria, bere ibilbidea gure kulturaren oroimenean ez ezik, baita bakoitzaren oroimenean ere. Atseginak bezain entretenigarriak suertatzen dira, beraz, taldearen kontzertuak, xumeak, hurbilak eta aberatsak.

2013ko martxoaren hastapenean argitaratuko dute euren bigarren diskoa.

 

2. Gari: “Ez da amaiera”

Gari2013ko martxoaren hasieran argitaratuko du GARIk Ez da amaiera disko berria, bere bakarkako ibilbidean ekoizten duen zazpigarrena.

Hertzainak taldearen garaietatik agertokietan dabilen kantaria izanik, maisu baten gisa menperatzen du oholtza, eta publikoarekin, aldi oro, hari sendo bat sortzen du, harengandik hurbil sentitu dadin.

Abeslari bikaina, espresibitate musikalaren gainean oinarritzen du bere ahots beroa, komunikazio samur bezain zirraragarria lortzeko. Ahaztezina.

Diskoak martxoaren hasieran ikusiko du argia eta zuzeneko kontzeptu artistiko heldua erabiliko du, publikoa berriro ere, bere kantuen sakontasunez liluratzeko. Erakargarriak dira kantuak, barne-barnetik jaiotzen diren argi indartsuak, imitaezina den era moderno eta sentsualean.

  (Irakurri +)