2016tik banatzen ditu elkar Fundazioak bere izena daramaten sariak. Urtero ematen du Ibilbideari saria, urte luzez egindako lana nabarmentzeko kolektibo bati ematen zaion saria. Bi urtetik behin ematen du, Proiektuari elkar saria, kultur egitasmo bat martxan jarri, edo aurretik martxan den baten garapenerako laguntza emateko. Era berean, bi urtetik behin banatzen da Joseba Jaka beka, kultur sormen bat laguntzeko. Aurten Ibilbideari saria eta Joseba Jaka beka emango ditu elkar Fundazioak.

Aurten, elkar Fundazioak erabaki du 2026ko Ibilbideari elkar saria Hizkuntz Eskubideen Behatokiari ematea.

Joseba Jaka beka, berriz, Javier Andrada Guerrerok,  Xabier Etxeberria Garrok eta Maria Reyes Olloquik jasoko dute “Super Mario hil behar da” komikia egiteko.  (Irakurri +)