OSKORRI ‘Hauxe da despedidia’ Jarraitzaileekin topaketa, sinaketa eta agurra.
Portal de Zamudio Kalea
48005 Bilbo, Bizkaia
España
Dudarik gabe, euskal musika talde garrantzitsuenetako bat da OSKORRI. 45 urtetan plazaz plaza eta antzokiz antzoki ibili ondoren, agur esango digu betiko talde bizkaitarrak. Miloika kilometro oinetan, ikertze eta saiakera ordu amaigabeak, kontzertu kontaezinak eta ia 500 kanta grabatuta. Euskal tradizio literario eta musikalari hauspoa eman dio OSKORRIk urte guzti hauetan, baina ondare kultural aberatsa utzita, iritsi da agur esateko ordua.
Joan aurretik, ordea, aurrez-aurre egin nahi diete despedidia beraien entzuleei eta asmo horrekin etorriko zaizkigu abenduan elkar liburu-dendetara. Bertan, entzule, kontzertu askotan koru edo dantza-lagun izan zaretenokin bildu nahiko lukete OSKORRIko taldekideek, azken agurra zuzena izan dadin, aurrez-aurrekoa.
OSKORRIrekin gozatu duen horietakoa bazara, Hauxe da despedidia liburu-diskoa taldekideek sinatuta eramateko aukera izango duzu, taldekideekin egingo dugun topaketa berezi honetan, abenduan elkar liburu-dendetan.
Abenduak 10, elkar Baiona (Arsenal plaza). 18:00etatik 20:00etara.
Abenduak 14, elkar Bilbo (Zamudioko ataria. Zazpikaleak). 18:30etatik 20:00etara.
Abenduak 15, elkar Iruñea (Comedias kalea). 18:30etatik 20:00etara.
Abenduak 16, elkar Donostia (Fermin Calbeton kalea). 18:30etatik 20:00etara.
Abenduak 17, elkar Gasteiz (San Prudencio kalea). 18:30etatik 20:00etara.
Erlazionatutako Albisteak
- ← GATIBU. Aske maitte, aske bizi. Lagin akustikoa + sinaketa.
- Ann Trindade ‘Berenguela de Navarra, reina de Inglaterra’ Rueda de prensa →