‘ur berri, urte berri’ Euskal gabon-kanten xarma

Mendez mende, urte zaharraren eta berriaren kantoian berezko abestiak entzun izan dira. Oraindik ere kantatzen dira haietako batzuk, baina gehienak galdu egin dira. Bixente Martinezek antzinako doinu haien xarma berpiztu du Ur berri, urte berri disko berri zoragarrian.

Oles aroa omen zen neguko solstizioa euskaldunentzat. Alegia, kantatzeko garaia. Hortaz, antzinako ohitura da urte sasoi horretan abestiak etxerik etxe edo su ondoan kantatzea. Kristautasunaren aurretik dator ekandu hori, nahiz eta gero erlijio nagusiaz busti zen, mela-mela egin arte. 

Horren ondorioz, Gabon-kantu sorta bat da Eibarko musikariak atondu duena. Orain dela urte batzuk aita Donostiak bildutako gabon-kanta liburua irakurri eta batera doinuekin maitemindu zen, hain dira ederrak. “Orduan txinparta txiki bat piztu zen nere barruan, polita izango zela egunen batean horrelako doinuekin lan bat egitea, kantu normalak balira bezala tratatuta, topikoetatik
urrun”, gogoratu du orain Bixente Martinezek.

elkarrera jo zuen proiektua martxan jartzeko. Eta argi ikusi zuten lehen mailako interpretazioak eta musikariak behar zituela proiektuak, gabonetako doinuen bertsio iradokitzailea garatu ahal izateko. Bixente Martinez beteranoaren (Izukaitz, Oskorri, Hiru Truku, Igelaren Banda) gidaritzapean, Hasier Oleaga, Amaiur Cajaraville, Xabier Zeberio eta Julen Izarra musikari bikainak aritu dira. Abeslari, berriz, Natxo de Felipe, Izaro, Maddi Oihenar, Mikel Urdangarin eta Maite Laburuk jardun dute. Andoni Egañak ere esku hartu du, testuak orrazten.

Multzo bikain horrek lan eskerga egin du. Ahalegin horren emaitza Ur berri, urte berri disko ederra da. Baina lanak segida izango du datozen asteotan emango dituzten zuzeneko kontzertuekin. Musikari trebeon jardunari esker, doinu zoragarri haiek gure esku gelditu dira. 

Share this Post: Facebook Twitter Pinterest Google Plus StumbleUpon Reddit RSS Email

Noticias Relacionadas

Deja tu Comentario