Gozategi taldearen “Chiquitaco can tac” single berria entzungai

Udaren hasierarekin batera, gure herrietako gau giroak alaitasun sentikorrez beteko dituzten erromeriak piztu dira iada zoko-bazterretan.

Plazetan azken 25 urtetan aintzindari den Gozategi taldearen G puntua (Elkar) azken diskoko kantu batekin eman nahi diogu ongi etorria udarari, aurten ere euskal musika nagusi izan dadin gure artean: Chiquitaco can tac.

(Irakurri +)

Gozategi taldeari elkarrizketa “G puntua” diskoari buruz

Abesti berririk argitaratu gabe zortzi urte luze egin ondoren, eskuartean dugu  Gozategi taldearen itzulera diskoa. G. da bilduma berri honen izenburua. Ez da erraza izan, baina Zingel single-kantuaren bideoklip grabazio egunean harrapatu ditugu Iñigo Goikoetxea eta Asier Gozategi.

Galdera: Zortzi urte ez al da gehiegi ezer argitaratu gabe egoteko?

Iñigo: Asierrengatik izan balitz aspaldi atera behar zuen disko honek, baina gure bizitzek bide ezberdinak hartu dituzte azken urte hauetan, eta bakoitzaren erritmo hori errespetatu nahi izan dugu. 25 urte baino gehiago egin ditugu elkarrekin, eta ez genuen presakako ezer probokatu nahi.

Asier: 2012an egin genuen All Stars bilduma lana eta handik aurrera hasi nintzen ni kantu berriak izan zitezkeen ideiekin telefonoa betetzen. Joan den urtean 25. urteurrena eta guretzat oso bereziak izan diren kontzertuak etorri ziren. DVD eta CDa ere Durangorako eta horrekin ez nuen nahikoa, beste pauso bat behar nuen eta segituan hasi nintzen beste hauek berotzen… (Irakurri +)

Gozategi taldea Victoria Eugenian – ZOZKETA

Victoria Eugeniako kontzertua GozategiGozategi talde ezagunak udazkenean kaleratu zuen Gozategi All Stars 1992-2012 diskoa. Bertan, Orioko taldeak musika ibilbidean, 20 urtetan, sortutako kanturik arrakastatsuenak bildu zituen. 

Azken hilabete hauetan taldea lan berri hau jendaurrean aurkezten ari da. Otsailaren 2an, larunbatean, Donostiako Victoria Eugenia antzokian joko du, arratsaldeko 20:00etan. 

Guk bertara joateko 2 sarrera bikoitz ditugu.

Gozategi zuzenean ikusi nahi al duzu?

Izena eman eta parte-hartu!

 

Zorte on!

(Irakurri +)

“Disko hau gure jarraitzaileentzako opari moduko bat da”

Gozategi all stars diskoak taldearen ibilbidea jasotzen du. Betiko kantak birgrabatu dituzte Mikel Irazokiren zuzendaritzapean. Kantuen nortasunari eutsi badiote ere, erritmo eta melodiaren uztarketa berezi bat sortu dute. 

20 urte pasa dira lehenengo maketa kaleratu zenutenetik. Nola gogoratzen duzue hasiera hura?

Oso oroitzapen onak ditugu. Sentsazio kontua da. Garai hartan, taldeak zuen barruko indarra izan zen gehien bultzatu gintuena. Ez genuen ezer espero, itxaropen handirik ez genuen. Maketa 1994ean grabatu genuen, 1992an hasi ginen elkarrekin jotzen eta hortik aurrera oso sentsazio onak jaso ditugu beti.  Orduan jarri genion Gozategi izena taldeari, izan ere, trikiti munduan Gozategi anai-arrebak bezala ginen ezagunak.

Musika munduan bakoitzak bagenuen gure esperientzia eta elkartu ginenean horrek intentsitatea eman zigun. Erabat ezberdinak ziren bi musika mundu uztartu genituen.

1995ean Gozategi lehen diskoa, trikitia pop-rock mundura sartu zen garai berekoa da.

Ordura arte bi mundu horiek bananduta zeuden: batetik musika eta bestetik trikitia zegoen. Garai haietan trikitia baserriko giroan eta auzo txikietan jotzen zen.

Pop-rock-trikitia eta horrelako definizioen gainetik kantak daudela uste dugu. Urteak pasa ahala, kantak dira gelditzen direnak, klasifikazioak egitea normala bada ere. Jendeak beste sentsazio batzuk sentitzen ditu eta hori da garrantzitsuena, nahiz eta jantzi horrek berrikuntza puntu bat eman. Azken finean, instrumentu horren atzean dagoen musikaria eta horrek egiten duen interpretazioa da garrantzitsuena. (Irakurri +)