Español
Lehen nobela arrakastatsu baten ondoren bigarrena kaleratu berri du Maddi Ane Txoperenak, Ez erran inori, Igartza bekaren laguntzaz idatzia eta sexu abusuen gai minbera sentiberatasunez lantzen asmatzen duena.
Zergatik aukeratu duzu gai hau?
Haurtzaroan sexu abusu bat bizitakoa naiz ni ere, eta gaiarekiko obsesio moduko bat izan dut urteetan: anitz irakurri dut gaiaz, tailer batzuetan ibili naiz, eta halako bizipenak izan dituztenekin konpartitu dut nirea, bertzeak bertze. Liburua idaztea niri eta bertze anitzi pairarazi digutena ulertzeko bertze modu bat izan da. Idazketak eta fikzioak laguntzen dute horretan. (Irakurri +)
Miren Agur Meabek idatzitako “Itsasoaren atea” nobelak irabazi zuen 2020ko Mikel Zarate haur literatura saria.
Lezamako Udalak eta Elkar argitaletxeak, haurrentzako irakurgai berriak sortu eta idazleen lana bultzatzeko asmoz, haur literaturako Mikel Zarate lehiaketa antolatzen dute, euskal kulturaren alde lan itzela egindako lezamar idazlearen gomutaz, ondorengo oinarrien arabera:
Idazlan mota
Lehen Hezkuntzako ikasleentzat (6-12 urte bitartekoentzat) euskaraz sortutako kontakizunak aurkez daitezke, jatorrizkoak, beste inondik moldatu gabeak eta aurretik saririk jaso edo argitaratu ez direnak. (Irakurri +)
elkar-en beti pentsatu dugu komikia historiak kontatzeko tresna edo modu baliogarria izateaz gainera, entretenimendurako aukera ona dela. Beti egin dugu komikiaren aldeko apostua, nahiz eta jakin ez duela irakurle gehiengoaren babesa.
Hala ere, azken urteetan komikiak igoera nabarmena izan du. Horregatik, eta komikiaren aldeko gure apostua berresteko asmoz, komiki txoko gisa ezagutzen diren espazioak sortu ditugu hainbat elkar dendetan. Bertan, aurkituko duzu komiki europarraren, amerikarraren, mangaren, etab.en hautaketarik onena; eta, jakina, Euskal Herrian ekoitzitako komikia, arreta berezia jarriz euskaraz editatutakoa. Hala, bederatzigarren arteaz gozatzeko beste aitzakia bat izango duzu.
Aurten, aurrenezkoz, martxoaren 5ean, komikiaren eguna ospatuko da. Gu ere egitasmo horretara gehituko gara eta elkar dendatan komiki bat edo gehiago erosi eta gutxienez 25 euroko gastua eginez gero, Gaston-ek sorturiko Beti Berdin taberna koronabirusarekin garaian komikia oparituko dizugu (euskaraz): pandemiaren kronika umoretsu bat, taberna xelebre hau zapaldu ohi duten pertsonaien bitartez.
Aldaketa aipagarririk edo benetakorik ez dagoenean “zaharrak berri” erantzuteko ohitura dugu euskaraz baina, literaturari dagokionez, liburu zaharrak gutxitan izaten dira berri eta liburu berriak albiste izatea normala den arren, ez nuke esango ona denik horiek izatea irakurtzen ditugun bakarrak. Beste modu batera esanda, gauza bat dira nobedadeak eta beste bat, irakurleentzat eta literaturaren sistemarentzat hain kaltegarria den nobedadismo basatia. Nobedadeek dena jatea; memoriarik ez izatea; beteranoekin inoiz ez akordatzea; literaturari buruz hitz egiteko edozer antolatzen dugunean izenak behin eta berriz errepikatzea; literaturaz horrenbeste dakiten aspaldiko lagunak baztertzea; horra zer den nobedadismoa. (Irakurri +)
“Anderik Ande” izeneko proiektuak Amerika eta euskaldunen arteko harremanak aztertuko ditu.
Jon Artano kazetari zestoarrak irabazi du 2022ko Tene Mujika beka, Ameriketan ibilitako hainbat euskaldunen kontuak eta gure artean dabiltzan hainbat amerikarrenak kontatu nahi dituen proiektu batekin. Euskal Herriko historia hurbilaz idazteko ez-fikziozko proiektuak saritzen ditu Debako Udalak eta Elkar argitaletxeak antolaturiko beka honek. Aurten aurkeztutako proiektuen artean Artanorena eman du irabazletzat Idurre Eskisabelek, Imanol Muruak eta Elixabete Garmendiak osatutako epaimahaiak, eta orain urtebeteko epea izango du kazetariak lana burutzeko, gero liburu gisa argitara dadin. (Irakurri +)
elkar Ilustrazio eta Ipuin Lehiaketak aurrera dirau hamalau urteren muga gaindituta. Aurten 14. aldiz jarriko da martxan elkar Fundazioak haur eta gazteengan irakurzaletasuna eta euskararen erabilera bultzatzea helburu duen lehiaketa hau. Urteotan milaka haur eta gaztek hartu dute parte bertan, kalitate handiko lanak aurkeztuz.
Aurten, Edu Zelaietak eta Txabi Arnalek idatzitako Hiru lehoi ipuina irakurri eta ilustratu beharko dute txikienek. Koxkorragoek, berriz, Alai Zubimendik sortutako ilustrazioan oinarritu beharko dute beraiek sortutako ipuina. Komiki ala binetaren atalean, ordea, Euskal pertsonaia baten biografia edota bizitzako pasarte bat izango dute ardatz, gazteek, beraien lanak sortzeko. (Irakurri +)
