Español
Guria ostatuan da Ruper Ordorika musikariaren hamaseigarren diskoa. Oñatiarra sortzez eta mundutarra musikaz, lan honetarako, berriz hartu ditu lagun Jamie Saft (pianoa eta teklatuak), Tony Scherr (kontrabaxua eta gitarra elektrikoa) eta Kenny Wollesen (bateria eta bibrafonoa), denak ere musikari entzutetsuak Nueva Yorken, eta besteren artean honako artista handi hauen musika proiektuetan parte hartu dutenak: Bill Frisell, Norah Jones, Anni de Franco, Steve Swallow eta Rickie Lee Jones.
Musika bikaineko giro honetan, Arkaitz Minerrek maisutasunez lagundurik hari instrumentuetan (biola, biolin eta mandolinetan), sehaskan bezala doaz Ruperren istorio iradokitzaileak, zeinak euskaraz kantatuak eta bigarren etxetzat duen ostatuaren berotasunean kontatuak baitaude eta bizitzaz eta haren zubiez mintzo baita, edo kontserba fabrika baten aurreko maitasunaz, edo abantaila onartzeak dakartzan zailtasunez. Hitz doiak erabiltzeko beti erne, oraingoan ere, Ruperrek idazleen adierazpide poetikoa jaso du; besteren artean, Joseba Sarrionandiarena –disko honetan ere jaso ditu haren hitzak–, Eva Linazasororena (“Mare Nostrum” erreparatzailearen egilea) eta Gary Snyder iparramerikar poeta handiarena (“betiko kantu berriak / munduko ostatuetan barrena”). Hamaika kantu bero dira, kantariaren abaroan emanak, berdin arratsalde euritsu batean lagun egiteko eta berdin goiz eguzkitsu batean entzuteko, zeren eta Sarrionandiak dioen lez, “jendearen arteko airea hain erraz kutsatzen den sasoian, halako abestiek airea garbitzen dutela uste dut”. (Irakurri +)
2017-01-12 osteguna / jueves.
IZAKI GARDENAK Bilbo (Bizkaia). Kafe Antzokia. 21:30etan.
2017-01-14 larunbata / sábado.
BENITO LERTXUNDI Mungia (Bizkaia). Olalde aretoa. 20:00etan.
2017-01-14 larunbata / sábado.
IZAKI GARDENAK Donostia (Gipuzkoa). Le Bukowski. 20:00etan.
2017-01-19 ostirala / viernes
PETTI Bilbo (Bizkaia). Kafe Antzokia. 20:30ean. + Terry Lee Hale
2017-01-20 ostirala / viernes
GARI & MALDANBERA Leioa (Bizkaia). Kultur Leioa. 21:00etan
2017-01-21 larunbata / sábado.
IZAKI GARDENAK Mutriku (Gipuzkoa). Gaztetxea.
2017-01-21 larunbata / sábado
RUPER ORDORIKA Gasteiz (Araba). Jimmy Jazz. 21:00etan.
2017-01-21 ostirala / viernes
PETTI & ETXEKO UZTA Markina-Xemein (Bizkaia).Uhago Kulturgunea. 22:00ean.
Itsasoa entzuten da nire logelatik, eta azkenaldian abestiak ere etortzen zaizkit, akorde samurrak balira bezala, gauetan olatuek ekartzen duten melodian kulunka. Izan ere, irailaren amaieran geratu zen Imanol Urbietaren bihotza, baina handik egun batzuetara lagunek eta senideek itsasoan zabaldu zituzten musikariaren errautsak, eta harrezkero bakarrik eta libre dabiltzan olatuetan sentitzen ditut Manoloren kantak.
Musikak haurren heziketan duen garrantziaz ohartu zenetik, irakaskuntza eta musika uztartu eta etenik gabe aritu zen haurrei musika irakasten eta haurrentzako abestiak sortzen. Haur kantarien mugimendua sortu zuen, eta 1967an argitaratu zuen haurrentzat euskaraz egindako lehen diskoa: Haur Kantariak. Ordudanik, sugarrak begietaraino zabaltzen zizkion pasioarekin, etenik gabe aritu zen lanean batean eta bestean, euskal kulturgintzarekin lotutako hainbat talde eta ekimenetan. Sormena eta irakaskuntza uztartu zituen, eta musika zabaltzen eman zuen bizitza, Xirula Mirula musika eskola sortuta. (Irakurri +)
Ruper Ordorika: “Ez da erreza juje eta parte ez izatea gure bizimodua ezbaian jartzen duen gaietan.”
Ruper Ordorika kantaria bueltan da New York hirian grabatu eta Oñati sorterria azalean aipatua ageri zaigun disko berriaz, Guria Ostatuan izenekoa. Horretaz konturatzeko, baina, sakoneko oñatiarra izan behar.
Hirurogeita bost urtez (1946-2011) zabalik izan zen Guria taberna Oñatin, eta ateak ixtean umezurtz sentitu ginen oñatiar askotxo, hainbat belaunalditako seme-alabontzat topaleku ezinbestekoa izan zelako.
Beharrezko sentipen horiek -laguntasuna, elkarren babesa, komunitate pertenentzia- kantagai ageri zaizkigu Guria Ostatuan disko berrian. Euskal Herrian ohikoa den taberna izena eta halaber unibertsalak diren sentipenak.
Abiapuntu oñatiarra al dauka disko berriak?
Guria Ostatuan jarri diot izena, herri askotan egon ohi den betiko taberna. Denok behar izaten dugu babesleku bat, eguneroko gorabeheretatik aparte egon ahal izateko. Oñatin bagenuen Guria bat, bai, ondo gogoan daukat. Halako batean Ortiz de Elgearen margoa ikusi nuen eta dena batera etorri zitzaidan: diskoari izen hori bera ipini behar nion eta koadro hura azalean. Hamaika kantu berrietatik pare bat behintzat gai horren ingurukoak dira, nolabait. (Irakurri +)
Bilbao 700 Fundazioak eta Elkar-ek bi musika-ikuskizun berezi aurkeztuko dituzte datozen asteotan Bilboko Guggenheim museoko atrioan. Biak igandean izango dira eguerdiko 12:30ean, publiko zabalari zuzenduta.
Lehen ikuskizunean, urriaren 30ean, Igelaren banda trad-jazz taldearekin batera, Miren Amuriza eta Beñat Gaztelumendi bertsolariak arituko dira bat-batek bertsotan, Josu Goikoetxea gai-jartzailearen gidaritzapean.
Bigarrenean, berriz, azaroak 6an, Elkano Browning Cream jazz-funk-blues talde koloretsuarekin batera, Quim Moya margolari katalanak artelan ikusgarri bat margotuko du kontzertuan zehar. Quim Moya “live-painting” teknikaren adierazgarririk onenetako bat da
Udaberrian IZ argitaletxe historikoan plazaratutako hainbat lanen berreskuratze lanari ekin zion Elkar diskoetxeak. Laja eta Landakandaren: Laja eta Landakanda (1976), Trikitixa (1981), Pepe Yanciren omenez (1986), Gure Oroitgarri (1994). Imanolen / Klabellin komik: Sentimenduen auspoz (1978), Jo ezan (1980), Imanol / Niko Etxart / Amaia Zubiria / Beñat Axiariren: Etxahun-Etxahun (1980), Imanol: Iratze okre geldiak (1982) Erromantzeak (1984).
Udazken honetan, beste 7 lanek ikusi dute argia: (Irakurri +)
