EspañolG. Labandibarren “Geltokiak edo helduta entzuteko abestiak” eta G. Goiaren “Txartel bat (des)herrira” – ZOZKETA
Elkar argitaletxeak lau titulu berri kaleratu ditu Literatura bilduman 2013ko lehen hilabete hauetan: Goiatz Labandibarren Geltokiak edo helduta entzuteko abestiak, Garazi Goiaren Txartel bat (des)herrira, Karlos Linazasororen Versus eta azkenik Peru Magdalenaren Egia esan. Guk, oraingoan, bi emakumezko gazte hauen lanak aukeratu ditugu zuengana zuzentzeko.
Goiatz Labandibar oiartzuarrak Igartza saria irabazi zuen iaz eta horren fruitua izan da duela aste gutxi kaleratu duen Geltokiak edo helduta entzuteko abestiak lana. Europan barrena egindako ibilaldi baten tankeran egituratutako ipuin-bilduma honek, hamaika istoriotan zehar beste hainbat hiri ezagutaraziko dizkigu. Hendaia, Marseilla, Geneva, Venezia, Trieste, Ljubljana, Zagreb, Pula, Genoa eta Niza dira kontakizun hauetako agertokiak, eta hiri horietako tren geltokiek badute ipuinotan toki esanguratsua. Izan ere, hiri batetik edo ipuin batetik besterako bidaia egitea proposatzen zaigun liburu honetan, geltokiak beti dira istorio baten abiapuntu edo helmuga. (liburuaz gehiago jakiteko, irakurri Goiatz Labandibarri egindako elkarrizketa)
Literatura bildumako beste emakumezko pertsonaietako bat Garazi Goia da. Txartel bat (des)herrira eleberria argitaratu du udaberrian. Maitasun istorio bat, paperezko hegazkinetan bidalitako hitzak, bizitzako erabakiak, 1937ko gerrako bonba hotsak, erruarekin pozoitutako oroitzapenak, haurren negarrak, inoiz kontatu gabeko sekretuak, berridatzi ezin diren iraganeko kapituluak… Horiek guztiek osatzen dituzte istorio honetako protagonisten bizitzak, orain, herrira itzultzea beren esku dagoela badakitenean. (liburuaz gehiago jakiteko irakurri Garazi Goiari egindako elkarrizketa).
Irakurri al dituzu bi titulu berri hauek? Guk horretarako aukera paregabea eskaintzen dizugu.
Lan bakoitzetik bi titulu zozkatuko ditugu.
Bi titulu hauetatik zein nahiago duzu eta zergatik?
Zorte-on!
Lehiaketa maiatzaren 21etik maiatzaren 24ra izango da, 12:00ak arte.
Irabazleak saria nahi duen elkar liburu-dendan jasoko du
Erlazionatutako Albisteak
- ← Augustin Zubikarai XIII. Saria – Nobelak sortzeko beka 2013
- Los más vendidos de la semana – Asteko salduenak 2013-05-22 →
Txartel bat (des)herrira. Garazi Goiaren duela urte batzuk atera zen liburua oparitu eta erakargarria iruditu zitzaidanez, ea hildo beretik jarraitzen duen ikustea eta gozatzeko aukera izan nahi baitut idazten dut iruzkina.
Goatz Labandibarren liburuak, izenburua eta azala besterik ezagutu ez arren, jakingura piztu dit. Are gehiago, luma berria izanda.
“Geltokiak edo helduta entzuteko abestiak” Bidaiak eta ipuiak atsegin ditudalako.
Txartel bat (des)herrira, Garazi Goia-ren liburuaren laburpena gustatu zait gehien. Pasarte interesgarriak aipatuko dituela iruditzen baizait.
goiatz labandibarren liburua irakurriko nuke bidaiak asko gustatzen baitzaizkit
Goiatzen liburua irakurri nahiko nuke hau irakurtzeak etxetik bada ere bidaiatzea egingo nauelaermaten baitu.
Txartel bat (des)herrira eleberria gustora irakurriko nuke, gerrako euskal umeen ingurukoak asko interesatzen zaizkit eta.
Geltokiak eta helduta entzuteko abestiak, Goiatz Labandibar Arbelaitz-ena dut nahaigo, hainbat hiri ederretan jazotako istorio ezberdinetan murgilduko nintzateke gustora.
goiatz labandibarren liburua gustatuko litzaidake bidaiatzea asko gustatzen baizait