Español
Argazkia: JOSÉ LUIS LARRIÓN
Nobela berri batekin dator Alberto Ladron Arana (Iruñea, 1967), euskal thriller egile ospetsu eta jarraituena: Dena eskaini nizun. Emakume baten tratu txar eta desagertzea ikertuz, irakurleek estimatzen dizkioten erritmoa, jakin-mina eta sorpresak nabarmentzen dira. (Irakurri +)
Zelan eragin ohi dio toki batek denboraren igaroari? Zelan denborak lekuari? Eta zein da bizi-esperientziak eragindako aldaketa garai batean izandako nerabearengan? Noiz kontatu eta nola esan kontu garrantzitsuak izanagatik, zintzotasuna izango da bi lagunen arteko zubia. Musikak, sexuak, literaturak eta, batez ere, eskutitzek bilbatuko dituzte Azken Portuko Postdatak eleberriaren une zehatz bi: hamar urte bereizita egon ostean, paper zuriaren aurrean idazteko protagonistek egingo duten biluztea; eta, bestearen eskutitzaren irakurraldia, jakin-minez zein beldurrez beteta. (Irakurri +)
Pruden Gartziak (Oñati, 1964) saiakera berri bat ondu du: Euskaldun fededun, hainbat libururen iruzkinetatik abiaturik, esaera ospetsu horren goitibeheitiak aztertzen dituena: ea hala izan den, noiztik, noiz arte eta zergatik. (Irakurri +)
Josefa, neskame du izena Alaitz Melgar Agirrek (Barakaldo, 1984) Tene Mujika bekaren laguntzaz idatzitako lehen liburuak. Printzipioz bere amonaren biografia, baina barrura sartu ahala beste osagai asko dituena. (Irakurri +)
Oihane Jakak (Donostia, 1985) bere lehenengo liburua eskaintzen digu: Itsaso amniotikoa, sentimenduz beteriko poema-bilduma, bizitzaren bi muturren inguruan ardaztua: haurduntze-erditzeak, batetik, eta heriotza goiztiar bat, bestetik. (Irakurri +)
Aspaldian emankor dabil Goiatz Labandibar (Oiartzun, 1985), eta apirilean liburu berri bat kaleratu du: Zoo, hamabi istorioz osaturiko bilduma, era guztietako gizon- emakumeen erretratuak eskaintzen dizkiguna, bihurri eta jostalari, ezinbestez irribarre batekin irakurri beharrekoa. (Irakurri +)
