Elkar diskoetxeko udazkeneko nobedadeak

Elkar diskoetxea buru-belarri ari da udazken honetan aurkeztuko dituen lan berriak lantzen. Hemen duzu irailetik abendura arte kaleratuko dituen tituluak eta bakoitzari dagokion azalpen laburra:

1.- “Elkar vinyl collection – 2018” – (Kalean)
Duela zenbait urte hasitako ideiari jarraipena emanez, hainbat diska garrantzitsuk 25 urte bete dituztenez, binilo formatuan jaiotako hainbat diskoaren LP-ak berrargitaratu ditugu:
1. AnestesiaGorrotoaren ahotsa (25 urte)
2. Negu GorriakBorreroak baditu milaka aurpegi (25 urte)
3. Soziedad Alkoholika: Y ese que… (25 urte)
4. KuraiaPiztu da piztia
5. DutAskatu korapiloa

 

 

 

 

2.-FERMIN MUGURUZA: Black is Beltza SOINU BANDA / BSO / OST
(Aurkezpena: irailak 19an)
2017ko udaberrian Raül Refree eta Fermin Muguruza Sant Andreuko (Bartzelona) Fabra i Coats Sormen Fabrikako espazio batean bildu ziren eta bertan sortu zuten Black is Beltza filmaren musika. Pieza inzidentalak ziren.

Abestietan hainbat artistek hartu dute parte: Maika Makovski, Anari, Iseo, Yacine, Amel Zen, The Sey Sisters, Ceci Bastida (Tijuana No!), Ana Tijoux , edo Manu Chao.

Soinu bandak 1960. hamarkadako abesti-zatiak ere baditu, hala nola, “He was really sayin somethin” (The Velvelettes), edo “Errespetua”, Negu Gorriak taldeak bertsionatu zuen Aretha Franklinek ereserki egin zuen Otis Redding-en “Respect” kantua. (Irakurri +)

Ruper Ordorika Antzoki Zaharrean bakarka

Datorren igandean, maiatzak 6, 19:00etan, Ruper Ordorika kantariak bakarkako kontzertu berezia eskainiko du Donostiako Antzoki Zaharrean.

Kontzertua bakarkako formatora hobekien moldatzen diren abestirik kuttun eta esanguratsuenekin osatuko du, 80. hamarkadaren haseratik osatu duen errepertorio aberatsa errepasatuz. Ruperren kantutegiaren esentzia erabat poetikoak Antzoki Zaharra hartuko du, eta entzuleek emanaldi hurbila gozatu ahal izango dute.

Ezin aukera galdu!

Ruper Ordorikarentzat Musika bulegoa sarietako bat

Ruper Ordorika kantaria eta Guria ostatuan bere azken diskoa sarituak izango dira gaur gauean Donostiako Musikenen banatuko diren Musika bulegoa sarietan.

Diskoak duen kalitate maila altuak eta artistaren ibilbide sendoa izan dira hizpide saria erabakitzeko unean.

Elkar diskoetxeak poz handiarekin hartu du albiste hau, eta berri hau aprobetxatu nahi du eskerrak emateko epaimahaiari aukeraketa asmatua izan delako.

Zorionak, Ruper Ordorika! (Irakurri +)

Ruper Ordorika Madrilgo La Fabrican izango da

Ruper OrdorikaGuria ostatuan da Ruper Ordorika musikariaren hamaseigarren diskoa. Oñatiarra sortzez eta mundutarra musikaz, lan honetarako, berriz hartu ditu lagun Jamie Saft (pianoa eta teklatuak), Tony Scherr (kontrabaxua eta gitarra elektrikoa) eta Kenny Wollesen (bateria eta bibrafonoa), denak ere musikari entzutetsuak Nueva Yorken, eta besteren artean honako artista handi hauen musika proiektuetan parte hartu dutenak: Bill Frisell, Norah Jones, Anni de Franco, Steve Swallow eta Rickie Lee Jones.
Musika bikaineko giro honetan, Arkaitz Minerrek maisutasunez lagundurik hari instrumentuetan (biola, biolin eta mandolinetan), sehaskan bezala doaz Ruperren istorio iradokitzaileak, zeinak euskaraz kantatuak eta bigarren etxetzat duen ostatuaren berotasunean kontatuak baitaude eta bizitzaz eta haren zubiez mintzo baita, edo kontserba fabrika baten aurreko maitasunaz, edo abantaila onartzeak dakartzan zailtasunez. Hitz doiak erabiltzeko beti erne, oraingoan ere, Ruperrek idazleen adierazpide poetikoa jaso du; besteren artean, Joseba Sarrionandiarena –disko honetan ere jaso ditu haren hitzak–, Eva Linazasororena (“Mare Nostrum” erreparatzailearen egilea) eta Gary Snyder iparramerikar poeta handiarena (“betiko kantu berriak / munduko ostatuetan barrena”). Hamaika kantu bero dira, kantariaren abaroan emanak, berdin arratsalde euritsu batean lagun egiteko eta berdin goiz eguzkitsu batean entzuteko, zeren eta Sarrionandiak dioen lez, “jendearen arteko airea hain erraz kutsatzen den sasoian, halako abestiek airea garbitzen dutela uste dut”. (Irakurri +)

Ruper Ordorika: “Ez da erreza juje eta parte ez izatea gure bizimodua ezbaian jartzen duen gaietan.”

Ruper OrdorikaRuper Ordorika kantaria bueltan da New York hirian grabatu eta Oñati sorterria azalean aipatua ageri zaigun disko berriaz, Guria Ostatuan izenekoa. Horretaz konturatzeko, baina, sakoneko oñatiarra izan behar.

Hirurogeita bost urtez (1946-2011) zabalik izan zen Guria taberna Oñatin, eta ateak ixtean umezurtz sentitu ginen oñatiar askotxo, hainbat belaunalditako seme-alabontzat topaleku ezinbestekoa izan zelako.

Beharrezko sentipen horiek -laguntasuna, elkarren babesa, komunitate pertenentzia- kantagai ageri zaizkigu Guria Ostatuan disko berrian. Euskal Herrian ohikoa den taberna izena eta halaber unibertsalak diren sentipenak.

Abiapuntu oñatiarra al dauka disko berriak?

Guria Ostatuan jarri diot izena, herri askotan egon ohi den betiko taberna. Denok behar izaten dugu babesleku bat, eguneroko gorabeheretatik aparte egon ahal izateko. Oñatin bagenuen Guria bat, bai, ondo gogoan daukat. Halako batean Ortiz de Elgearen margoa ikusi nuen eta dena batera etorri zitzaidan: diskoari izen hori bera ipini behar nion eta koadro hura azalean. Hamaika kantu berrietatik pare bat behintzat gai horren ingurukoak dira, nolabait. (Irakurri +)

Elkar diskoetxeko udazkeneko nobedadeak

Ohikoa den bezala, aurtengo udazkenean, Elkar diskoetxeak hainbat disko berri plazaratuko ditu. Hemen duzu hurrengo asteetan argia ikusiko duten lanen zerrenda:

PANTXOA CARRERE – Anaitasunean

PANTXOA azalaPeio eta Pantxoa bikote klasikoa desagertu zenetik, Pantxoa hainbat herritan  (Iparraldean batik bat) kantari ibili da, bere dohaiak publikoaren aurrean erakutsiz.
Kaleratze data: urriak 21

Zuzenekoa: Azaroak 20, Donostia, Antzoki Zaharra

 

 

OSKARBI – Mendira naiz

Oskarbi - Mendira naizOskarbi talde historikoak aurten 50 urte betetzen ditu.  Urtemuga ospatzeko, kantu berriz osatutako lana aurkeztuko du udazkenean.
Kaleratze data: Urriak 28

Zuzenekoa:
Abenduak 18, Donostia, Victoria Eugenia Antzokia

(Irakurri +)