Albisteak

6. elkar Ilustrazio eta Ipuin Lehiaketa – IRABAZLEAK

Artikuluak
|2014-05-21
|Iruzkinik ez

Urtarrilean, elkar-ek 6. elkar Ilustrazio eta Ipuin Lehiaketa jarri zuen abian haurren artean irakurzaletasuna bultzatzeko helburuarekin. Euskal Herri osotik 16 urte arteko haurrek eta gazteek parte hartu dute: 10 urte arteko haurrek Alaine Agirreren Letra txarra daukat, eta zer? ipuinean oinarritutako marrazkia egin behar izan dute; eta 11tik 16 urte artekoek, berriz, Iban Barrenetxearen ilustrazioa ipuin bihurtu behar izan dute.

Guztira 6.536 lan jaso dira: 5.694 ilustrazioak dira eta ipuinak 842. Jaso diren lan hauek guztiak epaimahai batek aztertu eta irabazleak izendatu ditu. Hauxek dira aurtengo saridunak:

ILUSTRAZIO SARITUAK:

A mailan: Israel Hernando eta Sara Moreno

B mailan: Haizea Larrea eta Xabier Telletxea

C mailan: Inhar Aranberri eta Josu Odriozola

Ikusi parte-hartzaile guztien artetik aukeratutako ilustrazioak

IPUIN SARITUAK:

A mailan: Uxue Mariñelarena eta Jeanne Laborde
Aipatua: Elena Barrenetxea

B mailan: Oihane Gurrutxaga eta Martin Irigora
Aipatua: Oihana Amoros

C mailan: Andoni Agirre eta Naia Begiristain
Aipatua: Ana Contreras

Aurten, berrikuntza modura, Irrien Lagunak-en eskutik, publikoaren saria jarri da martxan ilustrazioen kategorian. 30 ilustraziorik onenak Irrien Lagunak-en webgunean zintzilikatu ziren, eta publikoak gustukuena aukeratu du.

Bozkatuena Itxaso Larraiotz izan da, Tafallako Garces de los Fayos Ikastolakoa.

Larunbatean, maiatzaren 31ean sari-banaketa egingo da Donostiako elkar aretoan (Fermin Calbeton 21).