AUBIXA Fundazioa eta Francisco Castro ‘Sinbad deitzen zidan’ Alzheimerraren inguruko liburu aurkezpena + solasaldia.
Fermin Calbeton Kalea
21, 20003 Donostia, Gipuzkoa
Espainia
Alzheimerraren Nazioarteko Egunarekin (irailaren 21a) bat eginez, gaixotasun hau era gozo eta atseginean lantzen duen gaztetxoentzako liburua aurkeztuko du Alberdania argitaletxeak Donostiako elkar aretoan.
Alzheimer gaixoekin eta haien familiekin lan egiten duen AUBIXA Fundazioko kideak eta Francisco Castro idazle galiziarra izango dira bertan, besteak beste.
‘Sinbad deitzen zidan‘ istorioan Pauloren aitonak gauza arraroak egiten ditu. Dena ahazten du. Jende guztiari aldatzen dio izena. Baita bere bilobari ere. Paulo du bilobak izena, baina aitonarentzat Sinbad Marinela da.
Etxeko besaulkiak itsasontziak dira, eta piratek leku guztietatik inguratzen gaituzte. Eta noranahi begiratzen duzula ere, filibusteroak ageri dira. Helduek, beren helduen begiradarekin, ezin dute ezer ulertu. Baina Paulok bai, Paulok ulertzen du aitona. Haurra delako, eta haur baten begirada duelako. Bera da aitona ulertzen duen bakarra. Bera da, gauzak itsusi jartzen direnean, nola jokatu behar den dakien bakarra.
Paulo, edo Sinbad marinela, berdin dio, aitonaren gaixotasunaren aurka borrokatuko da, eta helduen aurka, eta, batez ere, egoismoaren aurka.
Alzheimerraz eta ipuin eder honetaz ariko gara solasean eta horretarako, bertan izango ditugu:
Francisco Castro: idazlea, Galaxia argitaletxe galiziarreko zuzendaria.
Maximo Goikoetxea: AUBIXA Fundazioko zuzendari exekutiboa.
Anjel Lertxundi: idazlea.
Sarrera librea izango da.
Erlazionatutako Albisteak
- ← Pako Sudupe ‘Telesforo Monzón. Aristokrata abertzalea. EAJtik HBra:bilakaera politiko-kulturala’ Solasaldia.
- Fermin Muguruza “Black is beltza Soinu banda” – PRENTSAURREKOA →