Albisteak

Giro paregabea Bilbo Sketch koaderno-margo maratoiaren 2. edizioan

Artikuluak
|2014-05-19
|Iruzkinik ez

200 haur eta heldu izan dira Bilboko kaleetan zehar hiriko toki ezagunenak marrazten. Goizeko 10:30etatik aurrera gerturatu dira parte hartzaileak Bilboko Licenciado Poza kaleko elkar liburu-dendara beren Moleskine koadernoak, Milan boligrafoak eta Bilbo hiriaren mapak jasotzera. 19:00ak arte izan dute denbora zehaztutako bost zonaldeak koadernoan marrazteko. Alhondiga eraikina, Casilda Parkea, Gran Via kalea, Abandoko geltokia eta Arriaga Antzokia izan dira nahitaez marraztu beharrekoak. Horretaz gain, parte hartzaileek Bilboko nahi adina marrazki aurkeztu ahal izan dituzte.

Eguraldia lagun, egun osoan zehar ikusi ahal izan dira parte hartzaileak Bilboko kaleetan zehar marrazten. Ilustrazio munduko aurpegi ezagunek ere hartu dute parte, Eider Eibar, Mikel Valverde eta Rober Garayk, besteak beste.

Bilbo Sketch-arekin amaiera eman zaio elkar paper-ek antolatutako Arte Ederren II. Jardunaldiei. Saridunak bi aste barru emango dira jakitera www.elkarpaper.com webgunean, eta sari banaketa ekainaren 4ean ospatuko da Bilboko Licenciado Pozako elkar liburu-dendan.

Argazki albuma